Timu ya Kukoma Ntopwa Queens yafika m'dziko la South Africa komwe akukasewera mu mpikisano wa COSAFA CAF Women's Championship.

Timuyi ikumana ndi Mamelodi Sundowns mawa mu masewero awo oyamba ku mpikisanowu.

Aka ndi kachiwiri kuti timuyi isewere mu mpikisanowu poti mu chaka cha 2023 inapitanso mdzikolo.

Timu ya Kukoma Ntopwa Queens tsopano ikuyembekezeka kunyamuka kulowera m'dziko la South Africa komwe akatenge nawo mbali mu mpikisano wa COSAFA CAF Women's Championship.

Timuyi inali ndi malingaliro oti asapitenso kutsatira kuti amasowa ndalama yakunja yomwe imafunikira kuti ayendere kupita mdzikolo komatu tsopano yapezeka ndipo malingana ndi nyuzipepala ya Nation, timuyi yanyamuka tsopano.

Timu ya Kukoma Ntopwa Queens yaikidwa mu gulu A la mpikisano wa COSAFA CAF Women's Championship pamodzi ndi matimu a Mamelodi Sundowns yaku South Africa, Beauties FC yaku Namibia ndi Ndola ZESCO Girls yaku Zambia.

Izi ndi malingana ndi mayere omwe bungwe la COSAFA linachititsa lachiwiri ku mmawa.

Aka ndi kachiwiri kuti timuyi ipite ku mpikisanowu poti inapitakonso mu chaka cha 2023 ndipo chaka chatha, Ascent Academy ndi imene idayimilira dziko lino ku mpikisano omwe unachitikira m'dziko mommuno.