SAPOTA WA FOMO WAMENYEDWA PA CIVO

Wachiwiri wa wapampando wa komiti ya ochemelera a timu ya FOMO mchigawo chapakati, Peter Malata ali ku chipatala komwe akulandira thandizo atamenyedwa ndi anthu omwe akuganiziridwa kuti ndi masapota atimu ya Clerk Sporting club.

Malingana ndi mlembi wamkulu wa komiti ya masapota FOMO mchigawochi, Felix Gunya, wati anthuwa anafika pa bwalo la CIVO kuzachita za zikhulupiliro zawo pamapeto a zokonzekera za timu ya FOMO, ndipo pokanizidwa kulowa mu bwaloli anayamba kumenya wachitetezo wa FOMO pamodzi ndi wapampandoyi.

Iye wati mwamwayi, wachitetezo anapeza mpata othawa ndipo tsopano ali ku chipatala.

Matimu a Creck Sporting Club komanso FOMO akumane pa masewero awo mu TNM Supa ligi pa bwalo la Civo pa nkhondo yotolera mapointsi.

Source: FOMO FC

"OYIMBIRA AMAWATHANDIZAKO A CIVO" - CHIRWA

Mphunzitsi watimu ya FOMO FC, Gilbert Chirwa, wadandaula ndi kayimbilidwe ka Godfrey Nkhakananga ponena kuti amathandizirako timu ya Civo mu ziganizo zake zina.

Iye amayankhula atatha masewero omwe agonja 1-0 ndi Civo pa bwalo la Civo ndipo wati timu yake sinali bwino mchigawo choyamba komabe oyimbira wathandizira Civo.

"Anali masewero ovuta inde tagonja mwina sitinali bwino mchigawo choyamba chifukwa tinabalalika koma mchigawo chachiwiri tinabweramo koma mwina anzathu oyimbirawa anawathandizako a Civo, amapatsa ma free kick komabe tibwereranso tikakonze mavuto athu." Anatero Chirwa.

Timuyi tsopano ili pa nambala yachikhumi ndi chiwiri (12) pomwe ili ndi mapointsi asanu ndi imodzi (6) pa masewero asanu.

"TIKUMAMVETSETSA ANYAMATA POTI NDI ATSOPANO" - CHIRWA

Mphunzitsi watimu ya FOMO FC, Gilbert Chirwa, wati anyamata ake akonzeka kwambiri kuti achite bwino pomwe akukumana ndi timu ya Chitipa United pakhomo pa bwalo la Mulanje Park lamulungu.

Iye amayankhula patsogolo pa masewerowa ndipo wati timu yake ikumasewera bwino mmasewero omwe agonjako koma akumawamvetsetsa pakuti ndi atsopano mu ligi ya TNM.

"Masewero omwe takhala tikusewera timachita bwino koma mwina zolakwika zing'onozing'ono ndi zimene zimatipweteketsa koma tikumawakonzabe poti ndi atsopano tikumawamvetsetsa." Anatero Chirwa.

Iye watinso timu ya Chitipa ndi yabwino koma khumbo lawo ndi loti masewero apakhomo azikwanitsa kuchita bwino.

Timu ya FOMO ili pa nambala 12 pomwe yatolera mapointsi atatu pa masewero atatunso omwe yasewera.

"TIKAKHAZIKIKA TIZIPAMBANA MASEWERO" - CHIRWA

Mphunzitsi watimu ya FOMO FC, Gilbert Chirwa, wati timu yake imangopanga zibwana zing'onozing'ono zomwe zachititsa kuti agonje masewero omwe amakumana ndi Kamuzu Barracks.

Iye amayankhula atatha masewero omwe agonja 3-1 pa bwalo la Champions ndipo wati tsopano akapeza luntha losewerasewera mu ligiyi ndikukhazikika ayamba kuchita bwino.

"Zoonadi timangochita tizibwana mpake anzathu amachinya zigoli nde ndi zodandaulitsa koma tikuyenera tiphunzire kuti muligi mulibe chisoni nde Poti nkoyamba ambiriwa kusewera ligiyi tikuphunzira ndipo tikakhazikika posachedwapa tiyamba kupeza zipambano tsopano." Anatero Chirwa.

Timu ya FOMO tsopano yagonja kawiri motsatizana ndipo inakwanitsa kupeza chipambano mmasewero oyamba ndipo ili pa nambala yachikhumi ndi mapointsi atatu.

Game yavuta