BULLETS YAPEZA WOTHANDIZA MPHOTO ZAPAMWEZI

Timu ya FCB Nyasa Big Bullets yalengeza kuti yalowa mu mgwirizano wa chaka chimodzi ndi kampani ya BCA Travel and Tours yomwe izithandiza mphoto za osewera wapamwamba kutimuyi.

Timuyi yatsimikiza za nkhaniyi lachisanu pomwe zonse za mgwirizanowu zatheka.

Mkulu wa anthu ogwira ntchito kutimuyi Albert Chigoga wati zimakhala zinthu zopambana kuyamikira ntchito za osewera zomwe akukhulupilira kuti zipereka chilimbikitso chachikulu kutimuyi.

"Ndili ndi chikhulupiliro kuti mphoto zimenezi zithandizire kupititsa patsogolo momwe timu izichitira mu masewero ake," anatero Chigoga.

Kampaniyi izipereka ka chikho komanso ndalama yokwana K1 million Kwa osewera yemwe azipambana mphotoyi makamaka kutimuyi.

BULLETS YAKANA PAMWAMBA

Timu ya FCB Nyasa Big Bullets yagonja koyamba mu ligi ya FDH Premiership pomwe yagonja 1-0 ndi timu ya Goshen City Dedza Dynamos pa bwalo la Dedza loweruka masana.

Chigoli cha Marcos Chiwaya cha pa mphindi 41 mu chigawo choyamba chinali chokwana kukaniza Bullets chipambano zomwe zawapangitsa kukanika kufika pamwamba pa ligi.

Wachiwiri kwa mphunzitsi watimuyi Heston Munthali anavomera kuti timu yake sinasewere bwino zomwe ndi zokhumudwitsa kwambiri.

"Kukamba za kaseweredwe sikanali bwino chifukwa zimakhala ngati anyamata tikuchita kuwakakamiza, amalemedwa komanso ziganizo zinali zolakwika zomwe zimachititsa kuti tisamenyere pagolo," anatero Munthali.

Iye anatinso sizinayende bwino chifukwa samayenera kugonja masewerowa ndipo awayankhula osewera awo za nkhaniyi ndi kuwauza kuti azitha kuikapo mtima kochuluka kuti azichita bwino kwambiri.

Zateremu, timuyi yatsika pomwe ili pa nambala yachinayi mu ndandanda wa matimu mu ligi pomwe ilibe ndi mapoints 20 pa zipa

"OCHEMERERA ATHU TIWAPEPESA NDI CHIPAMBANO" - NYEMERA

Mphunzitsi wogwirizira watimu ya Goshen City Dedza Dynamos Lazarus Deco Nyemera wamema otsatira a timuyi kukafika ku bwalo la Dedza loweruka kuti akawapepese ndi chipambano kutsatira kuti anagonja sabata yatha.

Iye amayankhula patsogolo pa masewero a timuyi ndi FCB Nyasa Big Bullets mu sabata 11 ya FDH Premiership.

Nyemera wati akudziwa kuti akhala masewero ovuta kwambiri koma ayesetsa kukonza mavuto omwe anawaona kuti achite bwino mu masewerowa.

"Kupambana ndekuti tifika pa mapoints 11 zomwe zikhale bwino ndiye masewero atha sitinawayambe bwino komabe tagwiragwira zonse zoyenereza kuchititsa kuti tikapambane," anatero Nyemera.

Iye wati akudziwa kuti masapota awo anakhumudwa atagonja ndi Chitipa United komabe timu ikadali bwino ndipo akapeza chipambano.

Dynamos ikulowa mmasewerowa ili pa nambala 14 ndi mapoints asanu ndi atatu mu masewero khumi omwe asewera.

FIRST MONTH, FIRST AWARD FOR WADAWADA

Zambian tactician Wedson Nyirenda has been named FDH Premiership Coach of the Month of June for his perfect start with FCB Nyasa Big Bullets.

Nyirenda guided The People’s Team to three consecutive victories over Kamuzu Barracks, Masters Security FC and Creck Sporting Club, a run that earned him the recognition from the league’s governing body.

Wadawada beat Ekhaya FC head coach Enos Chatama, Silver Strikers’ Peter Mgangira and Civil Service United’s Abbas Makawa to the award.

He will receive K500,000 from the Super League of Malawi for the honor.

MUNTHALI WALIMBITSA MTIMA MASAPOTA A BULLETS

Wachiwiri kwa mphunzitsi watimu ya FCB Nyasa Big Bullets Heston Munthali wati kukanika kupeza zipambano mu masewero ndi mbali imodzi ya mpira komabe ayesetsa kuti akakonze kuti zotsatira ziyambe kubweranso.

Iye amayankhula atatha masewero omwe alepherana 0-0 ndi timu ya Ekhaya ndipo ochemerera awo anaonetsa kusakhutira ndi kaseweredwe katimuyi mpaka kuyamba kugenda.

Iye wati timu yake ili ndi vuto la kugoletsa lomwe akhala akulikonza komabe satopa kuti zinthu ziyende bwino.

"Ku zokonzekera zathu zimaoneka bwino koma kubwera pa bwalo zosemphana nde uwu ndi mpira ndi mmene umakhalira tikungoyenera kuvomereza zotsatirazi palibe chomwe tingachite," anatero Munthali.

Iye anatinso mchigawo choyamba anavutika kwambiri ndi kaseweredwe koma mchigawo chachiwiri anachitabe bwino angakhale kuti sanagoletse.

Timuyi inali ndi mwayi wofika pamwamba pa ligi koma ili pachitatu ndi mapoints 20 pa masewero khumi omwe asewera.