CIVIL YAGONJA KATATU KOTSATIZANA MU LIGI

Timu ya Civil Service United yagonja katatu kotsogozana mu ligi ya FDH Premiership kusiyana ndi momwe anayambira mu masewero awo atatu oyamba pomwe agonja 3-0 ndi LUANAR Mitundu pa bwalo la Dedza loweruka.

Timuyi inakwanitsa kupeza mapoints asanu ndi awiri pa masewero awo oyamba koma yagonja ndi Chitipa United, Karonga United ndiponso apa Mitundu kuti ataye mapoints ochuluka.

Wachiwiri kwa mphunzitsi watimuyi, Emmanuel Zoya, wati timu yake yavomereza kugonja kamba koti Mitundu inali bwino paliponse.

"Zikutivutadi koma tikungoyenera tibwerere tikaunikire kuti pakutivuta ndi pati koma ndikutsimikiza kuti tibwereranso mwa mphamvu," anatero Zoya.

Iye anatinso kuvulala kwa China Chirwa komanso wotchinga pagolo Rahaman John kunawasokonezanso mmasewerowa kamba koti sanakonzekere kusewera opanda akatswiriwa.

Timu ya Civil tsopano yatsika kufika pa 10 pomwe ili ndi mapoints okwana asanu ndi awiri pa masewero asanu ndi imodzi.

"NGATI MPIRA KU MALAWI UKUONONGEKA NDI OYIMBIRA" - MAKAWA

Mphunzitsi watimu ya Civil Service United, Abbas Makawa, wati oyimbira a mdziko muno akuononga mpira kwambiri ndi kayimbilidwe koipa kopondereza matimu ena ndipo akanakhala kuti amasewera kwawo akanatha kupambana 5-0 ndi Chitipa United.

Iye amayankhula atatha masewero omwe timu yake yagonja 1-0 ndi timu ya Chitipa United pa bwalo la Chitipa kukhala masewero oyamba kuti agonje chaka chino ndipo wadandaula kwambiri ndi oyimbira.

Iye wati ngati matimu ena ali abwino azikwanitsanso kupambana koyenda osati pakhomo pokha chifukwa choti amathandizidwa ndi oyimbira.

"Atichinyadi chigoli chabwinobwino chopanda vuto inde koma kayimbilidwe kake koseketsa kwambiri. Tinapeza chigoli chabwinobwino koma anachikana amadziwa kuti tikatsogola akanika kubweramo akunowa, Ife tasewera bwino palibe chovuta koma kuyimbiraku ndi komwe katipweteka," iye anatero.

Iye wapempha kuti oyimbirawa kuti akhale opanda mbali zomwe zithandizire kumapereka chi

CIVIL YAFIKA PA MWAMBA PA LIGI

Timu ya Civil Service United yafika pamwamba ligi ya FDH Premiership kutsatira kugonjetsa timu ya Ekhaya FC 1-0 pa bwalo la Civo mu mzinda wa Lilongwe loweruka masana.

Timuyi inapeza chigoli kudzera mwa wotseka kumbuyo John Dambuleni yemwe tsopano ali ndi zigoli ziwiri mu ligi kuti apate mapointsi onse atatu pakhomo.

Mphunzitsi watimuyi, Abbas Makawa, wati angakhale timu yake yapambana sinasewere bwibo mu masewerowa.

"Leroli sitinadzuke mwa mpira chifukwa zambiri zinatikanika, chokha chabwino tapanga ndi kupambana koma sitinasewere bwino," iye anatero.

Komabe Makawa wati akudziwa kuti masewero ena agonjako koma akufunitsitsa kumatolera mapointsi ochuluka mu masewero ambiri omwe azisewera.

Timuyi tsopano ili ndi mapointsi asanu ndi awiri (7) pomwe akwanitsa kupambana kawiri ndi kufananitsa mphamvu kamodzi.

Both teams to score

"NDIKUKHULUPIRA KUTI TIKACHITA BWINO" - MAKAWA

Mphunzitsi watimu ya Civil Service United, Abbas Makawa, wati akhulupilira kuti timu yake itakasewera ngati momwe anachitira mu chigawo chachiwiri ndi FCB Nyasa Big Bullets atha kukachita bwino ku Dedza.

Iye amayankhula patsogolo pa masewero awo ndi timu ya Goshen City Dedza Dynamos lamulungu pa bwalo la Dedza ndipo wati akuyembekeza kuti akakhala masewero ovuta.

Iye wati kupambana komwe anakupeza ligi isanayambe siwapangitsa kuti ayiderere Dedza koma apita ndi mtima wofuna kukachita bwino.

"Ndi Bullets mu chigawo choyamba tinali achiwiri pa mpira komanso tinaphonya kwambiri koma mchigawo chachiwiri tinali bwino mwinanso ndi chifukwa tibamwetsa zigoli ziwiri nde ngati tikasewere momwemo tikachita bwino," iye anatero.

Matimuwa anakumana mu mpikisano wa chigawo chapakati pa bwalo lomweli ndipo Civil inapambana 3-0 kuti akhale akatswiri.

Timuyi ili pa nambala 6 ndi pointi imodzi imene anayipeza atalepherana ndi Bullets 2-2.