"NDI ZOMWE TIMAYEMBEKEZERA" - CHILUNDA

Mphunzitsi watimu ya Chipoka United, Ganizani Chilunda, wati tsopano waphunzira mpira weniweni pomwe amayembekezera kuti adzagonja kamba koti amakumana ndi timu yaikulu.

Iye amayankhula atatha masewero omwe agonja 10-1 ndi timu ya Mighty Mukuru Wanderers kuti atuluke mu chikho cha Castel ndipo wati anyamata ake amadabwa ndi bwalo komanso kuti amadziwa kuti adzagonja.

"Anyamata anali wodabwa kwambiri ndi bwalo nde mchifukwa chake chigawo choyamba sitinachite bwino. Timamenya ndi timu yaikulu angakhale mmene amapatsilirana ndi kuwawerenga osewera athu kuchita kuonekadi kuti Ife ndi ana nde taphunzira mpira weniweni." Anatero Chilunda.

Iye anatinso timu yake ndi yabwino kwambiri koma imasowa owathandiza ndipo wati apitilizabe kusunga timuyi kuti patsogolo adzapose pomwe afikapa.

Zateremu timuyi yomwe kwawo ndi ku Mangochi yatuluka mu mpikisano wa Castel Challenge ndipo Mighty Mukuru Wanderers yafika mu ndime ya matimu khumi asanu ndi imodzi.

Wo